Margrét Lóa Jónsdóttir

1.2.2007 | 14:54

TILVITNUN DAGSINS

VONANDI skemmtiði ykkur vel! Þeir hjá Glitni, þeir hjá Kaupþingi og svo framvegis ...Heyrir maður þetta ekki alltof oft? Þeir er alltof oft notað í stað þess að segja einfaldlega þau. Leiður ávani?! Við erum öllsömul menn - öllsömul mannleg og eitt og annað í uppeldi okkar, ýmiskonar dularfullur ávani er okkur sinkt og heilagt til trafala.

TILVITNUN dagsins hjá mér er í Sönginn um sjálfan mig eftir Walt Whitman, sem Sigurður A. Magnússon þýddi prýðisvel. Á einum stað segir Whitman: ,,Ég er skáld kvenna jafnt og karla.Og segi að göfugt sé að vera kona ekki síður en karl. Og segi að ekkert sé móðerni æðra."

Whitman segist dýrka skuggsælar syllur og hvíldarstaði. Og þá eru þessi orð hans mér ekki síður eftirminnileg:

,,Morgunkyrrð við gluggann minn veitir mér meiri fullnægju en háspeki bóka."

Flokkur: Bloggar | Breytt 7.2.2007 kl. 11:21 | Facebook

Athugasemdir

Var ég búin að segja þér að þú ert frábær?

kv,

Verano

Anna Lára Steindal (IP-tala skráð) 2.2.2007 kl. 13:20

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Margrét Lóa Jónsdóttir

Margrét Lóa Jónsdóttir er fædd 29. mars 1967. Hún lauk stúdentsprófi frá Kvennaskólanum í Reykjavík og fór síðan í Háskóla Íslands þar sem hún lagði stund á íslensku og heimspeki og lauk þaðan BA-prófi 1996. Að því loknu fór hún í viðbótarnám í heimspeki í háskólanum í San Sebastian á Spáni.

Margrét Lóa hefur aðallega skrifað ljóð en fyrsta verk hennar, ljóðabókin Glerúlfar, kom út árið 1985. Auk ljóðabóka hefur Margrét Lóa samið hljóðlistaverk, hún hefur líka haldið mikið af námskeiðum fyrir börn í ritlist og spænsku. Árið 2003 gaf hún út geisladiskinn Hljómorð með upplestri ljóða sinna við undirleik tónlistarmannsins Gímaldins sem samdi tónlistina á diskinum. Margrét Lóa ritstýrði og gaf út listatímaritið Andblæ um tveggja ára skeið. Árið 2004 kom út eftir hana skáldsagan Laufskálafuglinn hjá bókaforlaginu Sölku og árið 2005 gaf hún út ljóðabókina Tímasetningar hjá sama forlagi.

Margrét Lóa hefur unnið mikið á listasöfnum gegnum tíðina, m.a. sem leiðsögukona um listsýningar á Kjarvalsstöðum, ennfremur starfaði hún í Norræna húsinu sem safnvörður og kynningarfulltrúi. Hún hefur líka lesið töluvert inn á hljóðbækur í Blindrabókasafni Kópavogs.

Margrét Lóa býr í Skuggahverfinu í Reykjavík.