DÝPSTA SÆLA OG SORGIN ÞUNGA - Jafnréttissinni eða: Femínisti???

 

Þetta er vel til fundið hjá strákunum! Þeir eru kúl þessir femínistastrákar. Komst ekki á fundinn en kem pottþétt næst. Jafnréttissinni - Femínisti?Fólk er mikið að bögglast með þessi orð og lætur jafnvel neikvæð orð falla um femínista einsog þeir séu eitthvert eitt stórt reiðiský!!!??? Sumir femínistar eru algjörir sprelligosar, aðrir töluvert alvarlegri - þeir eru bæði fjölbreytilegir og ákaflega jafnréttissinnaðir einsog allir heilvita menn og konur játa sig vera - þegar á þá er gengið. Þetta merkir í rauninni alveg hið sama. Kannski að forskeytið femín- trufli, einsog það er nú annars fallegt. Já. Karlkyns femínisti er allavega mjög kúl - hann vill bara jafnrétti einsog við öll hin, í verki, til dæmis jöfn laun fyrir mömmu sína - eða dóttur. Hver vill það annars ekki? En nú er töluvert að þokast í launamálum vonum við, það er auðvitað hryggilegra en tárum taki að greiða mönnum ekki sömu laun vegna kynferðis þeirra. Ólöf frá Hlöðum orti þetta stórkostlega kvæði um sælu og sorg - sem fer hér á eftir. Ef maður kynnir sér sögu skáldkonunnar skynjar maður að hún hefur verið djúphugull femínisti.

 

Dýpsta sæla og sorgin þunga

svífa hljóðlaust yfir storð.

Þeirra mál ei talar tunga

tárin eru beggja orð

Klámkvöld í kvöld

Athugasemdir

[M L :) (IP-tala skráð) 8.3.2007 kl. 14:46]

Takk sjálf Elísabet og innilega til hamingju með daginn!!! Ég uppgötvaði Edith mjög seint, en hún er ótrúlega mögnuð, Þorgerður E. Sigurðardóttir bókmenntafræðingur veit fullt um hana en hún kynnti mig fyrir þessum brjáluðu Angry-Women feministum sem eru svolítið miklir pönkarar og því einkar hressandi fyrir okkar kynslóð, þetta brot sem þú fannst er mjög fallegt. Ólöf var langt á undan sinni samtíð og vildi hafa aðskilinn fjárhag og heyja sín tún í friði ...(þetta fann ég einmitt líka á netinu!! ) - þótt Ólöf væri nú reyndar einkar hamingjusamlega gift,ML

[kona, 11.3.2007 kl. 10:09]

Ekki gleyma femínísku tilfinningatorgi í dag á Hljómalind.  Taktu allar þessar yndislegu skáldkonur með þér!

[Margrét Lóa Jónsdóttir, 11.3.2007 kl. 20:50]

Takk fyrir áminninguna! Hljómalind er indæll staður og í miklu uppáhaldi hjá mér en ég hef setið mest yfir litlu dóttur minni í dag og í gær - hún hefur verið með flensu og mjög sloj. Kær kveðja,ML

[Anna Lára Steindal (IP-tala skráð) 19.3.2007 kl. 15:38]

Beibí! Sá  þig í Mogganum í gær - alltaf flottust!!!

Sé þig vonandi bráðum.

 kv,

Verano